CENTRE D’ETUDES REGIONALES CORSES - C.E.R.C. (CENTRU DI STUDII REGIUNALI CORSI)

-->

U 5 di lugliu di u 1957 Ghjuvanni Albertini crea in Parigi (in Corti per certi) u Centre d’Etudes Régionales Corses (C.E.R.C.) (Centru di Studii Regiunali Corsi).

U scopu hè di custituì una squatra di riflessione, struttura capace d’esse aggradita da u Statu cum’è Cumitatu di Sviluppu Ecunomicu di a Corsica chì saria a pariglia di u CELIB in Britagna.

Issa squatra si cumpone di ripresentanti di varii settori di l’ecunumia corsa (turismu, agricultura…) è di qualchì elettu lucale.

U scagnu hè cumpostu di : un Présidente spallatu da dui Vicipresidenti, un secretariatu di dui membri, un Tesurieru, è   quattru  cunsiglieri tecnicu, agriculu, ghjuridicu è culturale).

E persone e più fattive sò :

Ghjuvanni Albertini, présidente  è direttore di Demain la Corse.

Furtunatu Graziani, secretariu generale.

Andria Orsatelli, secretariu amministrativu.

Di u ghjurnale, Demain la Corse, ùn iscerà chè un numeru in u dicembre di u 1957.

 Oghjettivi,  rivendicazione è azzione  prime di u C.E.R.C. sò :

- L’elaburazione di pruposte per u sviluppu ecunomicu di a Corsica.

- Varie azzione culturale, è spezialmente  cumpunimentu è sparghjera di lessichi, dizziunarii, libraccioli di parlata…

- Participazione  à azzione rivendicative specifiche à a Corsica.

   A’ tene à mente qualchî data assignala :

- 5-19 di u dicembre di u 1965 : u C.E.R.C. si spicca da a « Convention des Institutions Républicaines » è participaghja à u « Comité Régional Corse pour l’abstention » (elezzione presidenziale di u dicembre di u 1965).

- Fine di maghju di u 1969 : prughjettu di « Scola è Università ».

Cù scopu d’urganizà in Corti una « Quinzaine Universitaire » in cor di statina ; a pruposta ùn hè accettata da u Rettore Davril.

- 1971: publicazione di u quartu libracciolu ; è scelta di una scrittura micca « italianizata ».