U 25 di u nuvembre di u 1960 (data di a prima
accolta ufficiale) i studianti corsi di Parigi creanu l’associu UNION
CORSE-U.C.(UNIONE CORSA).
Di ghjugnu di u 1964, l’U.C. fusiuneghja cun trè
altri associi : LA CORSE (A
CORSICA), L'UNION
DES ETUDIANTS CORSES – U.E.C (L'UNIONE DI I STUDIANTI CORSI), è L'UNION CORSE-SPORTS –U.C.-S. (L'UNIONE
CORSA-SPORTS).
L’adunita piglia u nome di UNION CORSE-l’AVENIR
–U.C.-A. (UNIONE CORSA-L'AVVENE).
U desideriu di issi studianti corsi in « essigliu
» hè di aiutassi frà elli, di ponesi è studià azzione per circà à scioglie à a
megliu u probulema corsu.
Ist’associu si cumpone di ghjuvintù corsa chì
campa in regione parigina, chì ci studieghja o ci hà studiatu.
U ghjurnale, l’UNION CORSE, (u numeru 1 esci di
lugliu di u 1961) ; dopu a fusione a testera di u ghjurnale hè : l’UNION
CORSE.- l’AVENIR. U ghjurnale hè di maiò
ghjuvore, prima per fà cunnosce l’associu è po per sparghje e so varie rivendicazione è e so varie
azzione.
Un modu di funziunà precisu cunsiste à :
- Adunite periodiche di i membri di l’associu in
assemblee generale.
- Direzzione è gestione assicurata da un Scagnu
Esecutivu di una duzina di membri, in parte eletti da l’assemblee generale è in
parte eletti in ognunu di i quattru associi.
- Repartizione di i membri di u Scagnu Esecutivu
in parechje cummissione (pulitica, cultura, divertimentu, studiu…).
Oghjettivi, rivendicazione è azzione prime :
- Creazione di
un’università in Corsica;
- Cunferimentu di una prima
d’insularità.
- Elaburazione di un prugramma regiunalistu appughjendusi nantu à i
travaglii fatti da u C.O.E.A. à prupositu di u«COLONIALISME INTERNE»
- Elezzione di un’Assemblea di Corsica.
- Votu di un bilanciu regiunale.
- Azzione per a
preservazione è u spannamentu di a lingua è cultura.
- Urganizazione di cunferenze è
d’accolte pulitiche.
- Sparghjera di studii annantu à i
varii aspetti è andamenti di u prubulema corsu.
- In u 1965, urganizazione di
manifestazione in sustegnu à i minatori (Canari), à l’impiigati di a strada
ferrata …
- Participazione à u Comité Régional pour l’abstention (CUMITATU REGIUNALE
PER L'ASTINIMENTU) à l’elezzione presidenziole di u dicembre di u 1965;
- Impegnu in a creazione di u FRONT REGIONALISTE CORSE –F.R.C. (FRUNTE
REGIUNALISTU CORSU) in u lugliu di u 1966.
L’associu si primura tantu di u muntame di
squatre di pallò chè di l’ottenimentu, frà l’Isula è a Francia, di a reduzzione
di i prezzi di i trasporti per i studianti corsi o di l’elaburazione di una
duttrina di u Règionalisme Authentique (RIGIUNALISMU AUTENTICU), nidu di
furmazione di molti capimachja di i muvimenti regiunalisti è po autonumisti
corsi.
E persone e più
fattive sò :
- Carlu Santoni, fundatore di
l’associu è presidente sinu à u 1964;
- Paulu Foata, presidente
da u 1964…;
- Gisela Poli;
- Dumenicu Alfonsi;
- Ghjuvanvaleriu Geronimi;
- Lucianu Felli;
- Marcu Valery;
- Santu Luciani, è d’altri…(tutti
rispunsevuli à varii livelli).
À tene à mente qualchì data assignalata :
- U 20 di u ghjennaghju di u 1963 : In
a tenuta di l’Assemblea Generale, l’U.C. sviluppa i tema di Un
Regionalisme Authentique (un regiunalismu autenticu)è di a
rinascita di l’idée communautaire (l’idea cumunitaria) è
di L’Ouverture Mediterranéenne de la Corse (l’apertura
circunvicina,mediterranea,di a Corsica.)
- U 14 di u ghjugnu di u 1964 : Trè associi corsi
fusiuneghjanu cun l’U.A. chì diventa L’Union Corse – l’Avenir –U.C.-A. (L'Unione
CORSA-L'AVVENE.)
-U 7 di u maghju di u 1965 : dopu u resu contu di una delegazione
mandata in Canari, l’U.C.-A organiseghja cù l’UNEC in a Salle de la Mutualité à Paris (Sala
di a Mutualità in Parigi) un’adunata di sustegnu à i minatori.
- I 5-19 di dicembre di u 1965:U.C.-A.participeghja à u Comité
Régional Corse Pour l’abstention (Cumitatu Regiunale Corsu per
l’astinimentu) à l’elezzione presidenziale di u dicembre di u 1965.
- U 31 di lugliu di u 1966 impegnu maiò
in a creazione di u F.R.C.
Aucun commentaire:
Enregistrer un commentaire