COMITE d’ETUDE et de DEFENSE des INTERÊTS de la CORSE C . E . D . I . C . (Aprile 1964 – Sittembre 1967) (CUMITATU DI STUDIU È DI DIFESA DI INTERESSI DI A CORSICA)

-->

U 28 d’aprile di u 1964 si crea in Bastia u Comité d’Etudes et de Défense des Intérêts de la Corse (Cumitatu di Studiu è di Difesa di l’Interessi di a Corsica) (C.E.D.I.C). L’istigatori  sò Marcu Paulu Seta è Massimu Simeoni.

L’urigine sò varie :

- Un scontru di qualchì Bastiacciu cun  Marcu Paulu Seta, cuncipitore di u Manifeste Sur l’Autonomie Interne (Manifestu nantu à l’Autonumia Interna) esciutu in u 1962 ;

- A tintativa di u rilanciu di  a Commission d’Etudes et  de Défense (1962) (Cummissione di Studii è di Difesa) ;

- L’iniziativa, secondu certe persone, saria per rivitulì u « Clan Gavini » partitu Gavinistu di diritta.

 U C.E.D.I.C. hè cumpostu da 10 à 20 membri, à maiò parte sò cummercianti o di prufessione liberale.

U modu di funziunà hè quellu ci u « Cercle de Reflexion » (Circulu di Riflessione) cù un scagnu di 5 membri.

Per a sparghjera di e so varie rivendicazione è azzione, da u nuvembre 1965 à u nuvembre 1966, u Cumitatu hà liberu accessu à u ghjurnale settimanale di Luigi Rioni : l’Informateur Corse:Rioni essendu membru di istu Cumitatu.

In u dicembre di u 1966 parisce, cun l’aiutu di a CGIC, u ghjurnale ARRITTI, (nuvellu portavoce).

Ughjettivi, rivendicazione è azzione prime :

                  

- U ripigliu di u Manifeste du C.E.D.I.C. pour l’Ethnie Corse (Manifestu di u CEDIC per l’Etnia Corsa ) esciutu in u 1964 ;

- A prutezzione di i Droits Imprescriptibles et Sacrés de l’Ethnie Corse (Diritti Imprescrittibili è Sacri di l’Etnia Corsa) suluzione ecunomiche è amministrative per u mentenimentu, a sopravvita è u sviluppu di l’Etnia Corse ;

- U cunferimentu di un Statu speziale di manera à evità a Decorsisation de l'Ile (Decursizazione di l’Isula) ; micca cuntinuità territuriale ; limite di l’immigrazione…;

- Elaburazione è sparghjera di u Manifestu di u 1964 ;

- Sustegnu à l’agricultori di u Fiumorbu in lutta contru à a SOMIVAC (1965) ;

- Participazione à u Comité Régional Corse pour l’Abstention (Cumitatu Regiunale Corsu per l’Astinimentu) per l'elezzione presienziale di u dicembre di u 1966 ;

- Cofundatore di u Front Régionaliste Corse – FRC (Fronte Regiunalistu Corsu) creatu in Corti u 31di u lugliu di u 1966 ;

- Candiatura, à nome di u FRC, à l’elezzione legislative di u dicembre di u 1967.

E cagione di a creazione di u Cumitatu ci sò scunnusciute. U fattu si stà, chì in trè anni, l’adesione à issa mossa di cummercianti, agricultori è molt’atri hè impurtantissima. Forse u Manifestu pè l’Etnia Corsa n’hè statu a molla!!

E persone e più fattive sò :

Paulumarcu Seta, presidente fundatore, retattote di  u Manifeste (Manifestu) ;

Massimu Simeoni, Secretariu Generale è autore di u successu di u Muvimentu ;

Paulu Beretti, Luigi Rioni…..

À tene à mente qualchÌ data assignalata :

          - D’estate di u 1965: u Muviment hè à latu à l’agricultori in lotta in u Fiumorbu.

          - I 5 è 19 di u dicembre di u 1965 : Nascita di u Comité Régional pour l’abstention (Cumitatu Regiunale per l’Astinimentu) à l’elezzione presidenziale di u dicembre di u 1965.

          - U 31 di u lugliu di u 1966 : Creatione di u F.R.C.cun l‘adunita di u C.E.D.I.C.è di l’U.C.A.

          - Aostu 1966 : Principiu di dirotta à u F.R.C. frà e duie mosse.

          - U 3 di sittembre 1967 : I capimachja di u C.E.D.I.C., à u Cateraghju in Aleria, creanu l’Action Régionaliste Corse (A.R.C.) (chi  più tardi  piglia a testera di : Azzione Regiunalista Corsa).