MOUVEMENT REVENDICATIF INSULAIRE (Muvimentu Rivendicativu Insulare) M.R.I.

-->

Le Mouvement Revendicatif Insulaire (M.R.I.) si crea in Corti u 7 di u maghju di u 1967. U M.R.I. ùn hè altru chè a trasfurmazione di a testera CAPCO chì hè  muribondu da più di dui anni.

L’insticatori ne sò Albertu Ferracci, Petru Giudicelli, Iviu le Bomin è Acchille de Susini.

U M.R.I, muvimentu eteroclitu, hè cumpostu da a maiò parte di i membri di u CAPCO chì facenu parte di varii partiti pulitichi : radicali, cumunisti, sucialisti, diritta (divers-droite) tutti upposti à a pulitica di u Generale De Galle ; di riprisintanti di muvimenti pulitichi è rivendicativi insulari ; di riprisentanti di muvimenti  corsi sucioprufessiunali.

U modu di funziunà hè :

- Un scagnu elettu.

- Un cunsigliu di cuurdinazione di 4 membri incaricatu di  assestà un statutu revindicativu.

Ughjettivi, rivendicazione è azzione prime :

- Rispettu di u decretu di u 1811, di l’arrestati Miot, cunferimentu di una prima d’insularità, cuntinuità territuriale, salvezza  di a strata ferrata.

- Distaccu di a Corsica da a Regione Pruvenza, Costa Azura, Corsica (P.A.C.A.C) creata in u 1960 è istituzione di a Corsica in Regione Autonoma cù un statutu particulare.

- Elaburazione di un statutu rivendicativu.

- Urganizazione di manifestazione è reunione pulitiche in e cità di l’isula.

- Urganizazione di ghjurnate d’azzione rivendicative puntellate da discioperi è manifestazione.

- Invii di delegazione à l’amministrazione dipartimentale è à l’amministrazione è a i so servizii statali.

- Participazione attiva à latu à u cumitatu Anti-Vignette.

- Elaburazione di un statutu rivendicativu.

- Urganizazione è seduta di adunite publiche in e varie cità isulane.

E persone e più fattive sò :

Albertu Ferracci, Petru Giudicelli, Iviu le Bomin, Acchille de Susini, tutti è quattru membri di u cumitatu di cuurdinazione.

U secretariu generale essendu Michele Fili.

À tene à mente qualchì data assignalata :

- U 7 di u maghju di u 1967 : creazione di u muvimente rivendicativu insulare (M.R.I.).

- U 22 di u maghju di u 1967 : aduttazione è spaghjera di u statutu rivendicativu.

- U 30 di u nuvembre di u 1969 : primu è ultimu cungressu, in Bastia di u M.R.I. Mentre iss'adunita u rifiutu di participazione à i « Etats Généraux de  Corse - Stati Gererali di Corsica » hè magiuritariu.