GROUPEMENT DE DEFENSE DES INTERETS ECONOMIQUES DE LA CORSE. –D.I.E.CO.- (AGGRUPPAMENTU DI DIFESA DI INTERESI ECUMONICHI DI A CORSICA)

-->

U 29 di  maghju di u 1959 si crea in Bastia u « Groupement de Défense des Intérêts économiques de la Corse (D.I.E.CO) » (Agguppamentu di difesa di interesi di a Corsica). L’istigatore ne hè u speziale Michele Martini.

   Istu muvimentu hè forse per rivittulì e rivendicazione di u « Groupement de Défénse de la Corse » creatu à l’uttobre di u 1954 è battizatu di Marzu di u 1957 u « Comité Provisoire pour la Défénse de l’Economie Insulaire ».

 U D.I.E.C.O. hè cumpostu d’industriali, di cummercianti, di capintrapresa, d’avucati, è di i presidenti di u tribunale di cummerciu.

Oghjettivi, rivendicazione è azzione prime :

- L’applicazione di l’Arrestati Miot è di u Decretu Imperiale di u 1811.

- L’elaburazione di un veru statutu fiscale particulare per facilità u sviluppu di l’Isula.

- L’azzione prima hè l’elaburazione di scartafacci d’infurmazione cun inviu à l’amministrazione regiunale è à l’eletti isulani.

- Istu aggruppamentu hè ben vistu da i puderi publichi è hà u sustegnu di l’eletti.

- A struttura di u D.I.E.C.O. Hè misera, un  scagnu cumpostu da cinque membri.

E persone hè più fattive sò:

- Michele Martini, presidente fundatore.

- Robertu Staat-Susini, presidente di i sindicati prufezziunali di u Nordu di l’Isula.

À tene à mente qualchì data assignalata :

- U 12 di ferraghju di u 1960, Michele Martini elettu à a presidenza di u tribunale di commerciu di Bastia spone in u so discorsu di presa di funzione u « Rôle des lois d’exception dans l’économie et la démographie de la Corse ».

- U 28 di maghju di u 1960, Michele Martini prega u guardiasugilli di rispittà  l’Arrestati Miot è u Decretu Imperiale di u 1811.