«TABLE RONDE» (Aprile di u 1962 - Sittembre1963) (TOLA O TAVULA TONDA)

-->

U 1u aprile di u 1962, Bastianu Leccia, Presidente di a Federazione di i varie aggruppamenti di Marseglia è di e Foce di u Roddanu prupone, in un cuncensu u più  à sbarlargu pussibile, a tenuta di una Table Ronde (Tavula Tonda) per u rilanciu di l’azzione rivendicative per a Corsica chì da qualchì tempu ùn si ne sente più parlà.

 A Table Ronde hè cumposta di :

                       - A maiò parte di i riprisintanti di u Mouvement du 29 Novembre (U Muvimentu di u 29 di u Nuvembre) è d’altri aggruppamenti rivendicavi.

                       - Parlamintarii è eletti lucali.

                       - Riprisintanti d’urganizazione sindicale è prufeziunale Corse.

                       - Riprisintanti di i Corsi di fora.

Per a sparghjera di e varie rivendicazione è azzione liberu accessu li hè datu da dui ghjurnale : l’Informateur Corse è l’Insulaire.

U modu di funziunà :

- I primi tempi hè pocu strutturatu, poi di ghjugnu di u 1963 un Scagnu Esecutivu hè numinatu è hè in carica di lampà chjame è di cuurdinà l’azzione rivendicative.

Isse azzione sò e listesse chè quelle difese da u Muvement du 29 Novembre (Muvimentu di u 29 di u Nuvembre) cun l’aghjunta di : a Corsica eretta in Regione Prugramma, dopu u staccu di l’Isula da a Regione P.A.C.A.C..

Oghjettivi, rivendicazione è azzione prime :

- Urganizazione di ghjurnate rivendicative cun greve, manifestazione, adunate…

- Inviu di delegazione per circà di cumpone cù i puderi publichi.

Molte rivalità cagione à a prisenza d’eletti cuncurrenti (tregue eletturale ecc…) ùn stanu tantu à schiattà. E speranze di a ghjente in iss’aggruppamentu di varii muvimenti è eletti sò prestu diluse.

À tene à mente  qualchì data assignalata :

- À u vaghjine di u 1971 : apertura di corsi di Corsu in  Bastia, Corti, Aiacciu, Cervioni, Parigi.

- Di ghjennaghju di u 1972 : Prima campagna di « Scola Corsa » per a ricunnuscenza di a lingua corsa.

- U 28 di marzu di u 1972 : aggruppamentu di l’associi d’insignanti corsi in a federazione « Scola Corsa ».

- U 20 di u dicembre di u 1972 - U 4 di u ghjennaghju di u 1973 : gran’campagna di Scola Corsa.

- U 29 ghjennaghju di u 1973 : a lingua corsa hè ufficialmente recunnusciuta.

- U 27 ferraghju di u 1973 : « Scola Corsa » ottene 15 minute per simana nantu à l’antenne di France Inter -Radio Corse.