COMITE D’ACTION ET DE PROMOTION DE LA CORSE- C . A . P . CO . (Uttobre 1963 – Maghju 1967) (Cumitatu d'Azzione è di Prumuzione di a Corsica)

-->

U 27 di l’uttore di u 1963, Bastianu Leccia, Presidente di a Fédération des Groupements des Corses de l’Extérieur (Federazione di l'Aggruppamenti di i Corsi di Fora) è i rispunsevuli di u Mouvement ou Comité du 29 Novembre (1959) (Muvimentu o Cumitatu di u 29 di u Nuvembre) creanu le Comité d’Action et de Promotion de la Corse (u Cumitatu d’Azzione è di Prumuzione di a Corsica) C.A.P.C.O.

Istu cumitatu si hè avvistu chì, siasi a Table Ronde (1962) (Tavula Tonda di u 1962) o u Comité ou Mouvement 29 Novembre 1959 (Cumitatu o Muvimentu di u 29 di u Nuvembre 1959), più à menu sciolti, ùn sò più capaci di purtà à bonavia e varie mosse rivendicative è di fassi sente da l’eletti è i puderi publichi .Perciòè  saria  tempu di mette in ballu nuvelle strutture per rivittulì un muvimentu rivendicatuvu efficace è fattivu.

Per a sparghjera di e varie rivendicazione è azzione, u cumitatu crea u ghjurnalettu : CORSE-ACTION (Corsica Azzione).Un numeru UN escì à l'uttobre di  u 1963.

Si dice chì si Bastianu Leccia fù l’insticatore di istu cumitatu ùn hè stata per sintimu cursistu ma per ghjuvassine à fine persunale, vene à dì: d’esse ricunnusciutu di punta di vista puliticu à livellu naziunale.

U C.A.P.C.O. hè cumpostu :

- Di i respunsevuli di u Mouvement du 29 Novembre (Muvimentu di u 29 di u nuvembre) è di a Table-Ronde (Tavula Tonda)

- Di i rispunsevuli di a Federation des Groupements Corses de l’Extérieur (Federazione di l'Aggruppamenti Corsi di Fora);

- D’eletti lucali è altre persone…

Per a sparghjera di e so rivendicazione è fassi cunnosce u cumitatu dispone di un ghjurnale: CORSE-ACTION, u numeru 1 esci à l’uttobre di u 1963.

U modu di funziunà hè :

- Aggruppamentu di aderenti in cumitati lucali (Basia, Aiacciu…).

- Riunione periodiche di u Comité  Directeur (Cumitatu Direttore) di 50 membri incaricatu di piglià e decisione è cuurdinà l‘azzione rivendicative.

- Un Bureau Exécutif (Scagnu Esecutivu) di 25 membri  cù un Presidente è dui Vicipresidenti (unu per u rughjone Aiaccinu è unu per u rughjone bastiacciu) hè in carica di u funziunamentu permanente di u Muvimentu.

- Urganizazione di un Congressu Annuale (Solu dui funu fatti, unu à l’uttobre di u 1963 è  l’altru à u ghjugnu di u 1966).

Ughjettivi, rivendicazione è azzione prime :

- Presa in contu di e rivendicazione di u Mouvement du 29 Novembre 1959 (Muvimentu di u 29 di u nuvembre) é di quelle aduttate  à l’accolta di l’uttore di u 1963.

- Rispettu di u Decretu Imperiale di u 1811, di l’Arrestati Miot, conferimentu di una prima d’insularità, cuntinuità territuriale, salvezza di a strada ferrata ;

- Distaccu di a Corsica da a Regione Pruvenza, Costa Azura, Corsica (P.A.C.AC.) è istituzione in Regione Autonoma dutata di un Statutu Particulare ;

- Elaburazione di un statutu rivendicativu ;

- Urganizazione di manifestazione è di reunione pulitiche, principalmente in e cità di l’isula ;

- Attribuzione di una prima d’insularità ;

- Presa in contu di à cuntinuità territuriale ;

- Salvezza di a Strada Ferrata ;

- Distaccu di a Corsica da a Regione  Pruvenza, Costa Azura, Corsica (P.A.C.A.C.) è erigela in Regione Autonoma.

- Urganizazione di manifestazione, di reunione publiche….

Dopu a partenza d’Achille de Susini è à manupresa di a manca corsa u Cumitatu si trova, l’altronde cum’è u Mouvement du 29 Novembre di pettu à i listessi prubulemi è hè incapace di purtà à bonavia  e varie azzione previste.

E persone e più fattive sò :

- Bastianu Leccia, presidente generale da l’uttobre di u 1963 à u ghjugnu di u 1966, po presidente d’onore;

- Filippu Semidei, presidente aghjuntu per u nordu di l’Isula, po president di ghjugnu 1963 dopu a partenza di B.Leccia

- Achille de Susini, presidente aghjuntu di u mezionu di l’Isula, dimissiunariu per cagione pulitiche.

- Sebastianu de Casalta, Petru Giudicelli, Ghjuvanni Pieraggi, Albertu Ferracci, Robertu Staat-Susini, Michele Martini è tant’altri…

À tene à mente qualchì data assignalata :

- Dicembre di u 1963 : Dimissione d’Achille de Susini per prutestà contre a manupresa di i pulitichi.

- Depositu di un prugramma puliticu cù pruposte rivendicative  precise à i scagni di i Puderi Publichi.

- Maghju di u 1965 : Chjame à manifestazione è accolte.

- U 9 di u ghjugnu di u 1965 : Gran successu in issa ghjurnata di prutestazione contru : a chjusura di a minera di Canari, a reurganizazione di a cumpagnia di a strada ferrata, è a suppressione di  stabilimenti sculari (Lege Fouchet).

- U 19 di u ghjugnu di u 1966 : Secondu è ultimu cungressu in Corti.U Presidente, Leccia, ùn essendu prisente Filippu Semidei u rimpiazza.

- U 7 di u maghju di u 1967 : u C.A.P.C.O si muta in Mouvement Revendicatif Insulaire (Muvimentu Rivendicativu Insulare) (MRI).