Forse di ghjugnu di u 1959 si crea a « Fédération
des groupements Corses de l’extérieur » Federazione di
l’Aggruppamenti Corsi di Fora.
U scopu di isti Corsi di Fora hè di appughjà e
rivendicazione insulare.Ma per certe persone, a primura di certi capizzoni di
isti«Forusciti»saria di sfruttà a Federazione,à prò soiu, per purtà à
cumpiitoghju invizione pulitiche à livellu naziunale.
A FGCE hè cumposta di:
- Molti aggruppamenti è amicale
di Corsi di Cuntimente è de Corsi d’Oltremare;
- Riprisintanti
di i varii muvimenti rivendicativi isulani;
- Riprisintanti
d’organismi socioprufeziunali isulani;
- Eletti.
Per a sparghjera di e varie attività è per fassi
cunnosce a FGCE hà liberu accessu à dui ghjurnali lucali « l’Insulaire è
l’Informateur-Corse ». Da l’uttore di u 1963 un nuvellu misile « Corse-Action »
hè stampatu ma sfruttatu anzituttu da a Federazione di Marseglia è di e Foce di
Rodanu è (da a CAPCO sinu à u 1967).
U modu di funziunà hè :
- Reunione annuale in Cunsulta di a Federazione. Isse
Cunsulte si fecenu sinu a u 1968: u 7 ghjugnu di u 1959 in Marseglia ; u
25aostu di u 1959 in Corti ; u 12 aostu di u 1960 in Corti ; u 20 aostu di u
1961 in Corti ; U 19 aostu di u 1962 in Corti ; u 18 aostu di u 1963 in Corti ;
u 23 aostu di u 1964 in Corti ; u 22 aostu in u 1965 in Corti…U 18 maghju di u
1968...
- Cumitatu di Cuurdinazione
rettu da un Scagnu elettu.
-
Creazione di Cummissione di studii à a Cunsulta di u 18 maghju di u 1968.
Ughjettivi,
rivendicazione è azzione prime:
-
Aduzzione in ghjennaghju di u 1960 di a u Statutu rivendicativu di u Muvimentu
di u 29 di Nuvembre di u 1959, demandendu una prima d’insularità cagione à un
costu maiò di a vita in Corsica ; upponendusi antraltru à l’abulizione di l’Arrestati
Miot, di u Decretu Imperiale di u 1811.
- Aduzzione
à u veranu di u 1970 di un Statu rivendicativu dumandendu una vera
regiunalizazione cun l’elezzione di un Assemblea Regiunale sottuposta à u
suffragiu universale è ch’ella piglii in contu e specificità corse, un statutu
fiscale particulare, un’aiutu finanziariu specificu per attenuà u sottusviluppu ecunomicu di l’Isula è u
desertu da u puntu di vista di a lingua è cultura corsa.
- Sedute
di Cunsulte in Corti è Marseglia.
- Elaburazione da u 1968 à u 1970 di un
Statutu Rivendicativu.
-
Urganizazione di scontri cù l’eletti, i muvimenti isulani.
- Participazione
attiva à a lutta contru i Fanchi Rossi « Boues Rouges ».
Di cumpunimentu eteruclitu è
sottututella di a « Fédération des Groupements Corses de Marseille et
des Bouches-du-Rhone » prisiata da Bastianu Leccia chì manuvrara più per u
so avvene puliticu chè per difende l’interessi corsi ; a funzione di a
federazione hè difficile à definì.
E persone e più
fattive sò :
- Bastianu
Leccia, presidente di a fédérazione è secretariu generale i u cumitatu ci
cuurdinazione da ghjugnu di u 1959 à ghjennaghju di u 1967: Ghjacumu Bertucci,
Carlu Ciccolini, i cummandanti Leschi è Bruschi…
À tene à mente qualchì data assignalata :
- u 7 di ghjugnu di u 1959 : prima
Cunsulta di i Corsi di Fora in Marseglia.
- u 25 aostu di u 1959 : Cunsulta di i
Corsi di Fora in Corti fatta da i « Corses D’Alger » Corsi d’Algeri.
- u 1u uttobre di u 1963 : primi numeru
di u ghjurnale « Corse-Action ».
- u 23 aostu di u 1964 : Seduta di a
sesta Consulta chì cundanna
sulennamente u Pudere cagione à a so
attitudine in ver di a Corsica :
- u 12 ghjennaghju di u 1967 : M.Albertini
numatu presidente è messa in riposu pruvisoriu di u presidente Bastianu Leccia.
-
di maghju è ghjugnu de u 1970 : publica di u Statutu rivendicativu fattu da a federazione.
- u 1u lugliu di u 1973 : chjama di u
Cumitatu di Cuurdinazione è adunita di e 150 amicale corse.
Aucun commentaire:
Enregistrer un commentaire