MOUVEMENT DU 29 NOVEMBRE Ou COMITE DU 29 NOVEMBRE (MUVIMENTU O CUMITATU DI U 29 DI NUVEMBRE) (Nuvembre 1959 – Uttobre 1963)

-->

U 29 di nuvembre di u 1959 si crea in Aiacciu u « Mouvement du 29 novembre ou Comité du 29 novembre » (Muvimentu o Cumitatu di u 29 di nuvembre). L’istigatori ne sò i membri di u « Comité de Presse Insulaire » chì si era cunstituditu à l’uttobre di u 1959. Istu Muvimentu s’arradicheghja à :

- U sintimu di a necessità di una mossa di  massa per ottene  u sudesfu di e rivendicazione insulare.

- È à l’ascolta di e persone ostile à a pulitica di u generale De Gaulle, tantu in Algeria chè à u livellu nazionale,è moltu più ciò chì cuncerna a Corsica.

- Mezi specifichi di sparghjera di e varie  azzione u Cumitatu ùn ne hà; ma i ghjurnali regiunali, L’Insulaire è L’Informateur Corse, li dà liberu accessu.

Issu Cumitatu si cumpone di :

- I ghjurnalisti di a pressa régiunale;

- D’eletti;

- Di ripresentanti di e varie furmazione pulitiche naziunale;

- Di ripresentanti di i sindacati uperaghji è prufeziunali di l’Isula;

- Di persone di varie indiature…

  U modu di funziunà hè precisu è cunsiste à :

- A cuncolta di i membri di i Cumitati lucali (Aiacciu, Bastia, Corti…);

- A cuncolta di i Cumiti lucali in un Cumitatu dipartimintale presidatu da Achille de Susini.

- L’adunite periodiche di u Cumitatu dipartimintale (in Aiacciu o Bastia) per piglià e decisione rilative à l’indiature di u Muvimentu.

- L’urganizazione di un cungressu annuale in Corti (ùn ci fù chè duie adunite di istu cungressu ; una u 29  di u nuvembre di u 1959 è una  seconda u 4 di u dicembre di u 1960).

Oghjettivi, rivendicazione è azzione  prime :

- definite in un statutu rivendicativu cuncepitu è spartu à u fin di u 1959.

Si dumanda dinù :

- U rispettu di l’Arrestati Miot è di u Decretu Imperiale di u 1811;

- U mantenimentu di a strada ferrata;

- L’ottenimentu di a prima d’insularita;

- U staccu di a Corsica da a Regione P.A.C.A.C., Pruvenza-Costa Azura-Corsica, creata in u 1960.

- L’urganizazione di « ghjurnate d’azzione rivendicative » puntellate da discioperi o greve e manifestazione.

- L’invii di delegazione à l’amministrazione di u Departimintu è à l’amministrazione è i servizii statali.

- A participazione  à e varie mosse rivendicative.

- Muvimentu eteroclitu cumpostu da  una partita di a diritta, da cumunisti, radicali, sucialisti, tutti opposti à a pulitica di u generale De Gaulle.

Muvimentu creatu à a vigilia di u 17Oessimu anniversariu di u riattaccamentudi a Corsica à a Francia  di a Custituente è chì si scioglie à l’uttobre di u 1963 cù a creazione di a CAPCO.

E persone e più fattive sò :

- Acchile de Susini, presidente da u 1959 à u 1963.

- Filippu Simidei, radicale, vicipresidente.

- Petru Giudicelli, cumunistu, secondu vicipresident.

- Modestu Venturi, Secretariu generale.

- Albertu Ferracci, cumunistu (un tempu secretariu generale.

- Bastianu de Casalta, S.F.I.O.

- Ghjuvanni Pieraggi, U.N.R.

- Robert-Staat Susini, U.N.R.

À tene à mente cum’è azzione di primura :

- L’8 di u dicembre  di u 1959 : gran successu di a prima greva à a chjama di u Muvimentu di u 29 di u nuvembre.

-l’11 di u marzu di u 1960 : à a chjama di u Muvimentu, impurtentissime manifestazione in Corti, Aiacciu, Bastia...

-U 4 di u dicembre  di u 1960 : U secondu cungressu di u Muvimentu hè assignalatu per l’adunita cun l’eletti.

- U 12 di u dicembre di u 1961 : maiò successu di a ghjurnata rivendicativa urganizata da u Muvimentu, in seguitu à u fiascu di a delegazione inviata in Parigi à l’uttobre.

- U 1u di l’aprile di u 1962 : u Muvimentu di u 29 di u nuvembre s’insere

in a «Table Ronde» (Tavula Tonda);

- U 15 di u sittembre di u 1963 : « Journée des Dupes » (Ghjurnata di i Cuglioni);

- U 27 di l’uttobre di u 1963 : sciolta di u Muvimentu à gudimentu di a CAPCO.