CHISÀ

-->

L’arristatu prefitturale di u 30 di u nuvembre di u 1946, publicatu à u ghjurnale Ufficiale 1947-4-3382, di 11.12.1947 crea, per distaccu da a cumuna di VINTISARI (Ventiseri), a cumuna di CHISÀ (Chisa).

Par arrêté du 30 décembre 1946, le Préfet de la Corse a prescrit l’érection en commune distincte de la section de Chisa commune de Ventiseri, canton de Prunelli di Fiumorbo, arrondissement de Corte.

A creazione di issa nuvella cumuna si hè fatta grazia à l'interventu in Parigi di u senatore radicale sucialistu, Paulu Giacobbi, chì  tandu era  ministru cun dui purtafoglii è d'amicizie guvernamentale ùn ne mancava in Parigi.

 Seconu certi issa creazione ùn saria chè a cuncretizazione di una prumessa fatta da Giacobbi, in u 1943, à un gruppu di resistenti. Prigiuneru puliticu di i taliani, sottucustodia in i Prunelli di Fium'Orbu riescì, di lugliu, à scappà è truvò cunfortu è rifugiu in issu gruppu di resitenti,machjaghjoli di Chisà è in Chisà.

Secondu altri, ùn saria chè un fattu pulitic.

Dopu a liberazione, finite e belle prumesse suciale, a pulitichella più di mai vivace  ripigliò abbriu.

Cumunisti è Radicali Giacubbisti, ognunu vulia à manumessa nantu à u Consigliu Generale di a Corsica. Per Giacobbi crea una cumuna chì li saria devota ùn era altru chè un palu in più per rinfurzà a sepe, dunque u so pudere à u Consigliu Generale.

  In u 1946 a pupulazione di Chisà era di 249 abitanti.

In u 1999 a pupulazione hè di 99 abitanti, è a superficia di 2898 ettari tolti da a sola cumuna di Vintisari in u 1946.