LE COMITE NATIONAL DE VIGILANCE ET D'ACTION CORSE U CUMITATU NAZIUNALE DI VIGILANZA È D'AZZIONE CORSA C.N.V.A.C. (1972 -1974)

-->

 U Comité National de Vigilance et d'Action Corse (C.N.V.A.C.) Cumitatu Naziunale di Vigilanza è d'Azzione Corsa si crea in a cità di Bandol, dipartimentu di u Var, u 26 di u nuvembre di u 1972.

L'insticatori ne sò i presidenti o i membri di varie amicale corse di e cità francese di Nizza, San Stefanu, Lione, Fréjus, Draguignan, Brignole, Parigi... partigiani di u regiunalismu dunque discepuli di l'ARC.

U scopu di l'ARC hè d'avè in Francia un puntellu maestru per a sparghjera di a so duttrina  è fà cunnosce e so revendicazione è azzione intraprese in Corsica è in Francia per a salvezza di l'interessi di  u populu corsu è avè dinù un appoghju finanziariu da isse putente amicale è aggruppamenti.

Cù l'adesione di tante amicale è aggruppamenti corsi in Francia chì anu sottuscrittu à l'indiatura di u cuminatu,u scopu di u cumitatu hè di rinfurzà è adunì l' « Union des Corses » Unione di i Corsi scasati per difende i so proprii interessi murali è materiali è quelli  di tuttu u populu corsu.

Per fassi cunnosce è fà cunnosce a so duttrina è e so rivendicazione u CNVAC, in più di i media lucali è naziunale è altri mezi, dispone da u maghju di u 1973 di u ghjurnalettu di l'amicale- A Voce di a Cunsulta-creatu à u nuvembre di u 1967 è chì smariscerà in u 1974 cù a sciolta è a fusione di u cumitatu in l'ARC è di cumitati lucali.

U Modu di Funziunà hè :

  - Cumitatu rettu da a lege di u primu di u lugliu di u 1901.

  - Un Cunsigliu d'Amministrazione cumpostu da membri di e varie amicale è aggruppamenti di Francia.

  - Un scagnu compostu da : un presidente, vicipresidenti, secretariu, secretariu aghjuntu, tesurieru, tesurieru aghjuntu è membri.

   - Oblicu  d'avè ogn'annu almenu un congressu.

Ughjettivi, Rivendicazine è Azzione Prime :

    - Difesa di l'interessi murali è materiali di u populu corse.

    - Salvamentu di u « La Survie de l'Ethnie Corse » Sopravvita di l'Etnia Corsa è di l'ambiente di l'isula.

    - Da u ghjennaghju di u 1973 : Chersa di istituì  a Corsica in Regione cù un statu particulare chì pigliaria in contu e varie rivendicazione.

    - Sustegnu à tutta azzione rivendicativa  intrapresa per a salvezza di l'ecumunia, a cultura, l'agricultura, i trasporti aerii, marittimi, stradali, l'ambiente (pighja,montagna, flora, fauna) di a Corsica :

   - Adunite cun altre federazione d'amicale è aggruppamenti.

   - Participazione attiva à e varie adunite è azzione di l'ARC.

   - Impegnu maiò in a lutta per a smettera da a Montedisson di a lampera di i fanghi rossi in u Mediterraniu di putta à u Capicorsu.

E Persone Hè Più Fattive sò :

- Carlu Quastana, medicu, Hervè Quilichini, medicu.

- Petru Santini, presidente di a federazione di l'assoccii corsi di a regione di u Roddanu, l'Alpe, Sagona è Lauria.

- Luigi Casanova, delegatu generale di u cumitatu.

À Tene à Mente Qualchì data assignalata :

- U 26 di u nuvembre di u 1972 : Creazione di u Cumitatu in Bandole.

- U 25 di u marzu di u 1973 : Creazione di un Cumitatu di sustegnu à i prigiuneri, vittime  di l'azzione contru à i fangi rossi è per a smettera di a lampera in Mediterraniu di i fangi rossi.

- U 23 di u maghju di u 1973 : Primu cuncressu di u Cumitatu in Lione.

- U 4 di l'aostu di u 1973 : Secondu congressu di u Cumitatu in Corti;

- In fine d'annu di u 1974 : U ghjurnalettu, A Cunsulta, ùn parisce più, si scioglie in ARRITTI, portavoce di l'ARC.