U Fronte Paisanu Corsu di Liberazione si crea in
a nuttata di 8 à u 9 di l’uttobre di u 1973. Ufficialmente i fondatori sò scunnisciuti …
U Fronte hè cumpostu anzituttu da agricultori, cummercianti
è studianti scuntenti da i rusultati uttenuti da i muvimenti rividicativi
lucali.
U fronte hè u primu muvimentu, dopu a mossa di u
70 (1970), detta mossa di u Riacquistu, à scrive a so testera in lingua
nustrale. Hè dinù u primu muvimenti clandistinu corsu strutturatu è mossu da
omi pruclamendusi Erei di Pasquale Paoli.
Finchè à u 1974 nisuna rivendicazione precisa ùn
hè indittata.
I primi indicii sò :
- Rifiutu
di l autonumia è moltu più di l’independenza.
- Statutu
di prutetturatu postu.
In un
primu tempu :
- Ricunnuscenza
di a Nazione Corsa.
- Riacquistu
di i terreni di i culoni.
- Priurita à i Corsi in e varie ammistrazione è in i
varii impieghi.
- Ricunnuscenza di a lingua
corsa da lingua ufficiale.
- Ritornu
di i Corsi spatriati (diaspora).
Cum’è primu muvimentu clandestinu :
- Urganizazione di molti attentani cun fulmini è
splusivi primurendusi di pigliassine à i
simbuli di u Putere (edificii amministrativi, militari, banche è agenze
immubiliare).
- Adopru
di i media cun cummunicati in a stempa, interviste spetaculare…
À tene à mente qualchì data assignalata :
- In a
nuttata da l’ottu (8) à u nove (9) uttobre di u 1973, scritta natu à sustegni
publichi o privati, mure scialbate, strade catramate ... du u siglu FPCL è
di i trè attentati fatti in a nuttata.
- U
vintitrè (23) di l’uttobre (10) di u 1873 : inviu à a Republica Francese di un ultimatomu di a
Nazione Corsa.
- Da u
quattru (4) à u cinque (5) di u ghjenneghju (1) di u 1974 : l’attimpata
fissata da l’ultimatomu hè ghjunta à
termine, in a nuttata più di uttanta (80) plastichi scopianu in l’Isula. Issa
nuttata hè a prima à esse battizata
« Nuit Bleue ».
- U
sette (7) di u ghjennaghu (1) di u 1974 : un capimachja o capipartitu di
u Fronte accorda una cunferanza di
stampa à Paulu Silvani è Gheraldi in a catedrale
d’Aiacciu.
- U
trenta (30) di u ghjennaghju (1) di u 1974 : U Guvernu Francese in
Cunsigliu di Ministri prumunzia a dissuluzione o u sciuglimentu di u Fronte.
- L’ondeci
(11) di u ghjennaghju (1) di u 1974 : Ghjiseppu Stromboni, unu di i principali
inculpati da a Corte di Securità di u Statu Francese hè accoltu triunfalmente
in Bastia dopu esse statu messu in libertà.
- U
dicessette (17) di u lugliu (7) di u 1974 : Tutte e persone inculpate è
suspettate di a so appartenanza à u Fronte ùn sò più incausate
o inculpate.
- U
quattordeci (14) di u sittembre (9) di u 1974 : Un di i dui battelli di a
sucietà Montedison chì ribocanu i fangi rossi à 30 o 40 millie di a Giraglia (Capicorsu)
hè scuncassatu da un plasticu in u portu di Follonica in Italia[1].
- U vintiquattru (24) di u ghjennaghju (1) di
u 1975 : Cundanna sulenne di a Missione Liber Bou.
[1] ùn hè
u Fronte chì hà plasticatu u battellu. Ma cum’ella fù dichjarata in un
cumunicatu : « hè u fatu di un muvimentu amicu ».
Aucun commentaire:
Enregistrer un commentaire