Cumuna di u cantone di
Prunelli di Fiumorbu à 510 metri d’altitudine, d’una superficia di 7574 ettari.
In u 1936 a
pupulazione era di 689 abitanti, allora chì ùn era più chè di 583 abitanti in u
1946.
In u 1999 a pupulazione
hè di 2459 abitanti, è a superficia di 4678 ettari.
I varii paisoli chì cumponenu a
cumuna di Vintisari in u 1938 sò :
Chisà (Chisa) –Mignataghja (Mignataja) –Pediquarciu
(Piedi-Quercio) – U Travu (Travo) – Valle – Vangoni –
Vicchisi (Vix)(U nome veru di VIX hè Alzitella).
U CUNSIGLIU MUNICIPALE si
cumpone di 12 eletti:
Merre : Ghjambattista Pocai (neguziante)
– Aghjunti : Ghjuvanni Giudicelli (à
u riposu) –Giudicelli (Impiigatu) – Cunsiglieri : Diunisu Giudicelli
(à u riposu) – Ghjanghjuvanni Giorgi(cultivatore) –
Ghjavannantone Simonpaoli (cultivatore) - Stolfu Giudicelli(cultivatore)
– Ghjugliu Giudicelli (cucltivatore) Petrufrancescu Medori(industriale)
– Saveriuniculaiu Massoni (cultivatore) –Anghjulusantu Giudicelli (à
u riposu) – Francescumichele Tiberi (Macellaiu).
I maestri di scola in i
varii paisoli sò :
In Vintisari
Mella Casanova è M.Moracchini.
In Chisà Mma Giacomini è M.Giudicelli.
In Mignataghja Mella
Sinibaldi.
In U Pediquarciu Mella
Maestrali.
In U Travu
Mma Tiberi.
Registri paruchjali
è di statu civile : Archiviu d’Aiacciu : ADA(2E 575-576); B:575-576;
1722-1755; M.1661-17O2; S.1675-1681;
B.M.S.1772-1782; 1794-1795.
A voce pupulana dice: chì u toponimasticu Chisà
(Chissà) ùn saria chè una trasfurmazione di (À CHÌ SÀ).
Trè
fratelli, i Giudicelli, dopu umicidi è vindette sarianu sbirbati da i so lucale
balaninu (Olmicappella in u Ghjussani, Alta Balagna) è si sarianu rifugiati in
issu locu desertu, scuscesu è oscosu, di nome sminticatu.
À chì li dumandava : di induv’elli eranu, da
induv’elli vinianu o induv’elli andavanu, a risposta, per ùn palisà u lucale, era
unica è sempre listessa:«À chì sà».
Aucun commentaire:
Enregistrer un commentaire